Zer da planetaren laguna den botila?

Planetaren Laguna den Botila altzairu herdoilgaitzez egindako botila berrerabilgarria da. Plastikozko botilen alternatiba da, eta konpromisorako zein kontzientziaziorako ikuspegia eskaintzen du ozeanoen kutsaduraren arazoaren inguruan, baita plastikozko larregizko hondakinek planetaren osasunean sortzen duten mehatxuaren inguruan ere.

Urtero, plastikozko hondakinen ondorioz, milioi bat itsas hegazti baino gehiago hiltzen dira, baita beste 100.000 itsas ugaztun ere. Hain zuzen ere, xiringak, zigarrotxoen pizgailuak eta hortzetako eskuilak aurkitu dituzte hildako itsas hegazti askoren urdailaren barruan, janaria direlakoan jaten dituztelako hondakin horiek.

Planetaren Laguna den Botila zabalkunderako eta hezkuntzarako mezua daraman botila da, eta itsasoetako hondora iristen da. Ingurune horretan, lurreko bizia sortu zen, hain zuzen ere. Leku hori misteriotsua bezain helezina da askorentzat, baita planetaren osasunaren erakusgarri be… Gaur egun, ordea, laguntza eske datorkigu.

“Plastikorik gabeko ura…

Murriztu, berrerabili, birziklatu. Planetaren osasunaren alde. Zure osasunaren alde”.

Zuretzat zer da botila hori edukitzea?

Planetaren Laguna den Botila gure itsaso zein ozeanoen eta bertan bizi diren espezieen osasunaren babesa sustatzen duen aukeraketa da. Botila erabiltzeagatik baino ez, ingurumena defendatzen duen ekintzailea izango zara.

Gutxiago kontsumitzean, pentsatu plastikozko zenbat botila ez doazen itsasora zabor moduan.

Beste toxiko batzuen artean, A bisfenola plastikozko botila askotan agertzen da, eta oso kaltegarria da gure organismorako eta elikagai ditugun itsas animalia askoren organismorako.

Planetaren Laguna den Botila edateko ura beti zurekin eramateko modu eroso-erosoa da. Baduzu etxeko txorrotan edo lantokian iragazkia jartzerik eta botila behar beste aldiz betetzerik. Ahalik eta kalitate handiena daukan uraz hidratatzea funtsezkoa da osasun-egoera onari eusteko.

Txorrotako uraren kontsumoaren aldean, plastikoan edo beiran ontziratutako uraren kontsumoak gora egin duenez, hondakinen gorakada ere oso larria izan da.

“2050ean, arrainak baino plastiko gehiago egongo da itsasoetan”.

World Economic Forumek (WEF) egindako txostenaren arabera, arrainen kopuruak behera egingo du, eta ontzi edo plastikozko zopa moduan agertzen den plastikoa nagusi izango da ozeanoetan.

Erabili ostean birziklatzen ez diren plastikozko botilek itsasoan, ibaietan, zabortegian edo erraustegietan amaitzen dute, eta, euren jardueraren ondorioz, planetako tenperatura berotzen duten berotegi-efektuko gasak isurtzen dituzte atmosferara.

Plastikorik gabeko ura edanez gero, klima-aldaketa geldiarazten da.

Botila hau erabiltzean, honako hauxe sustatzen da:

  • Plastikozko hondakinak murriztea.
  • Ibaien eta itsasoen osasuna hobetzea.
  • Hiriko karbono-aztarna gutxitzea.

Ekimen honen bidez, NBEko programa honekin bat egiten dugu: “Gure mundua eraldatzeko garapen jasangarrirako helburuak (GJH)”.

Neurri osasungarri moduan, baduzu botila hau txorrotako ur iragaziaz betetzerik. Informazioa eskatzeko: jazzporunplanetasostenible.org

Planetarentzat zer da zuk botila hori erabiltzea?

100 milioi tona plastikok baino gehiagok gure ozeanoak kutsatzen dituzte. Mundu zabalean, asmatzaileak, zientzialariak edo politikariak bete-betean ari dira lanean irtenbide bila. Besteak beste, ganba-oskoletan oinarritutako material biodegradagarria sortu dute, eta kontsumitzeko modu berria ere ezarri nahi dute.

Zenbakiak biribil-biribilak dira. Itsas inguruneari buruzko azterlanen arabera, urek 5-13 milioi tona plastiko jasotzen dute urteko. Itsasoak eta ozeanoak zaintzen ez direnez, argi eta garbi dago munduan gero eta zeresan handiagoa daukan fenomenoa dela kutsadura.

2050erako iragarpenak hondagarriak dira: 10 urterako kalkuluen arabera, 3 tona arraineko tona bat plastiko badago, 2050erako proportzio hori goitik behera aldatuko delakoan daude: Nazio Batuen Ingurumen Programako azken aurreikuspenak kontuan hartuta, mendearen erdialdean-edo, igeri egiten duten arrainak baino plastiko gehiago egongo da flotan.

Planetaren Laguna den Botila beti zurekin badaramazu, zeure harri-koskorra ekarriko duzu, ozeanoentzako ur-tantatxo osasungarria, alegia. Badakizu… tanta askok itsaso handia eratzen dute. Keinu horren bidez, neurri handian murriztu ahal izango dira plastikozko hondakinak, ekosistemari, planetaren osasunari eta giza osasunari begira oso-oso zabor kaltegarria dela kontuan hartuta.

Non eta nola erosten da?

Bilbon edo inguruan bizi bazara, Jazz Cultural Theatre of Bilbao gunean erosi ahal izango duzu. Bestela, gure denda birtualean ere bai.

Planetaren Laguna den Botila proiektuak itsasoetako plastikoaren murrizketa bete-betean sustatzea dauka helburu. Jazz Cultural Theatre of Bilbao gunean, jazza irakatsi, ikertu eta zabaldu egiten dugu, eta Euskadiko Bilboko erdialdean dago kokatuta. Bertan, hain zuzen ere, Zientziaren eta Kulturaren Zabalkunderako Nakusarbe Elkartearen laguntzaz sortu genuen plastikorik gabeko kalitate handieneko ura edateko modua. Hartara, ikatz aktiboko eta argi ultramoreko iragazkia jarri genuen geure txorrotan, eta portzelanazko katiluak zein botila osasungarri bezain berrerabilgarriak edukitzea ezin hobea izango zela bururatu zitzaigun, urez betetzeko eta beti gurekin “ur ona” eramateko. Horrela, “Planetaren Laguna den Botila” sortu zen, baita gure “Uraren txoko” berezia ere. Laster, xehetasun handiagoz hitz egingo dizuegu horri buruz.

Planetaren osasunaren alde. Zure osasunaren alde!

© Copyright - Mi Botella Amiga del Planeta